Imphal, ïaïong:
Ki pulit ka Manipur ha ka 19 tarik, Ïaïong, ki la kem ïa 19 ngut ki briew ha kylleng ka thaiñ Imphal halor ka jingkynnoh ba ki pynkheiñ ïa ki hukum pakhang shnong bad leh ïa ki kam runar kum ka pakhang surok bad ka jingpynjot ïa ki mar ki mata jong ki paidbah.
Ki heh sorkar ki la ong ba ïa kine ki jingkem la leh ha ka por ba ïatreilang ha ki jingpynjari aiñ ha ki jaka bapher bapher hadien ba la mih ki khubor ba don ka jingpynthut bad jingkhanglad. Kane ka jingleh ka wan ha ka por ba ki bor synshar ki dang bteng ban pynjari ïa ki jingkhang ha ki jaka ba kham mih ki jingïakynad ban pynneh ïa ka shongsuk shongsaiñ.
Kiba la shah kem ki kynthup ïa u Nongthombam Lolin Meitei (33), Samurailatpam Sibananda Sharma (28), Ningthoukhongjam Rishikanta Meitei (28), Chungkham Kaiku (21), Potshangbam Bhumibon Khaba (38), Leimapokpam Romesh Meitei (40), Hrithik Roy (23), Hanjabam David Sharma (20), Jayprakash Akhom (38), Chungkham Sanatomba Singh (32), Ningombam Chetan Singh (26), Lairenmayum Bikram (38), Moirangthem Haimo (53), Thingujam Francish (21), Thingujam Moramba (22), Wangkhem Kuladhaja (30), Seram Manjit Meitei (25), Yumnam Sarat (27), bad Gulit Thongam (20).
Ki pulit ki la ïathuh ba la mudui mukotduma bad ka jingtohkit kaba bniah ka dang ïaid shakhmat bad bynrap ba ka jingpynjari pyrkhing ïa ki kyndon pakhang shnong kan dang bteng.
Ka jingpyntreikam jong ki pulit ka dang ïai bteng kum shi bynta ban tehlakam ïa ki jingïakynad ha ka jylla.
