Shillong, Ïaïong 22
Ka B.K Bajoria ka la pynliem noh ïa ka Little Angel School da 32 run na ka bynta ban khur jingjop ha ka lympung ïalehkai Inter School Under-18 Cricket Tournament 2026 ba la pynlong da ka Shillong Cricket Association ha ka sngi Balang.
Ha kane ka jingïalehkai kaba la long ha madan Polo, ka Little Angel kaba la jop ïa ka kynting pisa ka la ailad ïa ka B.K Bajoria ban tied nyngkong ha kaba ka la kamai 126 run bad shah pynhap 2 wiket ha ki 11 over. U Vedhanth Vadera u la tied 31 run na ki 28 bol bad u Pankaj Lodh u la ïoh 27 run na ki 18 bol. Katba u Rizwan u la khur shi wiket na ka bynta ka Little Angle.
Haba wan beh ïa ka pali kaba ar, ka Little Angel kam shym la lah ban kynjoh sha ka thong ha kaba ka la kamai tang 94 run bad shah pynhap 4 wiket ha ki 11 over. U Rehan Qureshi u la tied 21 run na ki 16 bol. Katba u Shanti Dhoj Sunar u la khur 1 wiket na ka bynta ka B.K Bajoria. Ïa ka nam Player of the Match la khur da u Vedhanth Vadera.
