Shillong, Ïaïong 23
Ka jingïaid lynti ka Burn-ley ha ka Premier League ka la poi sha kaba kut ha kaba ka la hap ban hiar kyrdan noh, hadien ba ka la shah rem noh ha ka Manchester City da 1-0 kol ha ka sngi Palei ha Turf Moor.
Kane ka la wan urlong lyngba u Erling Haaland uba la ïoh ban thep tang ha ka minit kaba san, kaba la biang pura ïa ka City ban khur ïa ka jingjop bad ban pynhiar kyrdan ïa ka Burnley.
Wat hapdeng ka jingshah rem, ka Burnley ka la ïaleh katba lah ban ïakhun tyngeh na ka bynta ban pynphai na ka bynta ban buh jingma ïa ka City, hynrei haduh kaba kut kam shym la lah ban pynurlong.
Kumjuh ka Manches-ter City ka la ïoh ïa ki kabu kiba biang, hynrei kam shym la lah ban pynurlong.
Te kumta lyngba kane ka jingshah rem ka la pynthikna ïa ka Burnley ba kan hiar noh sha ka kyrdan ïalehkai jong ka Championship, namar ka dangsah 20 poiñ bad kan ym lah shuh ban jam na u laiñ jong ka jingma watla ka dangsah sa katto katne ki jingïakhun.
Ha kawei pat ka liang kane ka jingjop ka la pynlong ïa ka Manches-ter City ban jam sha ka kyrdan ba hakhlieh watla ka la ïaryngkat mar 70 poiñ bad ka Arsenal, kaba la hiar sha ka kyrdan ba-ar. Te kumta ka City ka la don jingkyrmen ban rah biang sa kawei pat ka nam lahduh ha ka Premier League.
