Jowai, Iaiong 24
Ka North Liberty Higher Secondary School ka la ïoh khur ïa ka nam Overall Champion ha ka District Level Inter School Athletic Meet 2026 ba la pynïaid da ka ophis u District Sports Officer, (DSO), West Jaintia Hills ryngkat ka jingïatreilang ka West Jaintia District Sports Association (WJDSA).
Kane kala wan hadien ba ka North Liberty Higher Secondary School ka la khur 25 tylli ki takma ksiar, 16 tylli ki takma rupa, bad 13 tylli ki takma rnong bad kala ïoh ruh ïa ka nam ‘Best Athlete’ ha ka kyrdan Under-14, 16 bad 18 ha ka liang ki kynthei bad shynrang.
Kane ka jingïalehkai kala poi noh sha kaba kut ha ka 24 tarik Ïaiong ha madan Multi Sports Complex, Wahiajer ha kaba la wan ban pynhap pyrda da ka kongsan ka Kong DV. Lyngdoh Additional Deputy Commissioner West Jaintia Hills District.
Ïa ka nam Best Disciplin Team la ïoh rah da ka Albine Lamare Memorial Secondary School.
Ïa ka nam ‘Best Athlete’ jong ka kyrdan Under-14 na ka liang ki shynrang la ïoh da ka North Liberty Higher Secondary School ba la mihkhmat da u Inibait Lamare ha ka jingïakop Back Throw, katba ha ka liang ki kynthei la ïoh da ka Jaintia Higher Secondary School ba la mihkhmat da ka Ewakani Phawa ha ka jingïakop Long Jump.
Ha ka kyrdan Under-16 na ka liang ki shynrang la ïoh da ka skul Seiñraij Higher Secondary School ba la mihkhmat da u Ram Rymbai ha ka jingïakop mareh kaba 60 mitar, katba na ka liang ki kynthei la ïoh da ka North Liberty Higher Secondary School ba la mihkhmat da ka Peacefully Pohplet ha ka jingïakop mareh kaba 60 mitar.
Ha ka kyrdan Under-18 na ka liang ki shynrang la ïoh da ka Kiang Nangbah Higher Secondary School ba la mihkhmat da u Ribait Bang ha ka jingïakop kaba 100 mitar katba na ka liang ki kynthei la ïoh da ka North Liberty Higher Secondary School ba la mihkhmat da ka Saphika Pyrtuh haka jingïakop mareh kaba 100 mitar.
Ïa ka nam ‘Best Team’ haka kyrdan Under-14 la rah da ka HK. Singh Memorial Secndary School da kaba khur 2 tylli ki takma ksiar, mar kawei ka takma rupa bad takma rnong. Ba ar ka North Liberty Higher Secondary School da kaba khur mar 2 tylli ki takma ksiar bad takma rnong.
Ha ka kyrdan Under-16 ïa ka man Best Team la rah da ka North Liberty Higher Secondary School da kaba khur 7 tylli ki takma ksiar, 7 ki takma rupa bad 5 ki takma rnong. Ba ar ka HK. Singh Memorial Secndary School da kaba khur 3 tylli ki takma ksiar bad 2 tylli ki takma rnong.
Ha ka kyrdan Under-18 ïa ka nam Best team la rah da ka North Liberty Higher Secondary School da kaba khur 16 tylli ki takma ksiar, 9 ki takma rupa bad 6 ki takma rnong. Ba ar ka Kiang Nangbah Govt. Higher Secondary School da kaba khur 3 tylli ki takma ksiar bad 3 tylli ki takma rnong.
Nalor ka kongsan la don lang ruh u District Sports Officer (DSO), ka West Jaintia Hills u Ma Khroobok Passah, ki nongïalam bad Dkhot nongkitkam ka WJDSA, ki nonghikai nalor kiwei-kiwei ki riew pawkhmat ka thaiñ.
