Nongstoiñ, Ïaïong 26
Ka Sib Singh Memorial Government HSS ka la khur ïa ka nam ‘Overall Champion’ ha ka lympung 31st West Khasi Hills Dis-trict Level Inter School Athletic Meet 2026 ba la pynlong da ka shlem treikam ka District Sports Officer (DSO),West Khasi Hills.
Ha kane ka lympung kaba la poi sha kaba kut ha ka sngi Thohdieng jong ka taïew ba la lah, ka Joel Gatphoh Memorial Synod SS na Nongstoiñ ka la khur ïa ka nam Best Discipline Team, katba ïa ka nam Best March Past la ïoh da ka Anderson HSS na Upper New Nongstoiñ.
Ïa ka nam Best Athlete ha ki U-14 la ïoh ban khur da u Binraplang Pariong na ka Bethel Presbyterian SS bad ka Ibashimti Nong -siang na ka Nongtraw Presbyterian SS. Ha ka U-16 pat la ïoh da u Wan-teikyrpang Marbanniang na ka Sib Singh Memorial Govt. HSS bad ka Jose-phine Sohlangpiaw na ka Don Bosco SS Maw-khlam. Ïa ka nam Best Athlete ha ka U-18 la khur da u Edify Shyrkon na ka St. Xavier’s SS bad ka Aidalin Marweiñ na ka Sib Singh Memorial Govt. HSS.
Shuh shuh haba phai pat sha ka nam Best Team ha ki U-14 la khur da ka Bethel Presbyterian SS bad ka St. John Bosco Higher Secondary School Rambrai ha ka liang ki shynrang bad kynthei. Ha ka U-16 la khur da ka Sib Singh Memorial Govt. HSS bad ka St. John Bosco HSS Rambrai ha ka liang ki shynrang bad kynthei.
Nangta ha ka U- 18 la khur da ka Sib Singh Memorial Govt. HSS bad ka St. John Bosco SS,. Rambrai ha ka liang ki shynrang bad kynthei.
Ïa ki khusnam la wan ban sam da u MLA ka thaiñ u Bah Gabriel Wahlang kum u kongsan ha ryngkat ka jingïadonlang u Pynshai Momin (MCS) kum u symbud kongsan, ka Kong Bala-rina Syiem (DSO), bad kiwei kiwei pat ki ophisar kane ka thaiñ.
Lah ban kadew hangne ba ha kane ka lympung ïalehkai kaba la neh lai sngi kynthih ki la don haduh 26 tylli ki skul kiba la wan ban ïashim bynta.
