Shillong, Ïaïong 26
Ka St. Anthony’s lem bad ka Shillong Cricket Academy (SCA) ki la jam sha ka semi final ha ka Under-18 bad Under-15 jong ka Inter School Cricket Tournament 2026 ba la pynlong da ka Shillong Cricket Association.
Ha ka jingïalehkai quarter final jong ka U-18 hapdeng ka St. Anthony’s bad ka Madrasa ha ka sngi U Blei la hap ban pynsangeh na ka daw ka jingjur u slap. Te kumta la rai lyngba ka ‘bowl out’ ha kaba ka St. Anthony ka la jop da 2-1.
Haba phai sha ka jingïakhun quarter final jong ka U-15 hapdeng ka Shil-long Cricket Academy bad ka MPPS la hap ban pynsangeh na ka daw ka jingjur slap. Te kumta na ka liang ki bor pynïaid ki la rai lyngba ka ‘bowl out’ ha kaba ka Shillong Cricket Academy ka la jop da 2-1.
