Shillong, Ïaïong 28
Ka sngi kaba ar jong ka State Boxing Champion-ship 2025-26 ka la long kaba kham itynnad lyngba ka jingïakhun tyngeh ki nongïakura kynthei bad shynrang na ka bynta ban pyni ïa la ki sap ba kyrpang jong ki, ha Mawlai Mawroh.
Ha kane ka lympung ïakura ka ban neh saw sngi kynthih ba la pynlong da ka Meghalaya Boxing Association (MBA) ha ryngkat ka jingkyrshan da ka tnat ïalehkai ka Sorkar Jylla, la phiah ïa ka kyrdan ïalehkai junior (15-16 snem) bad ka youth (17-18 snem) jong ki khynnah shynrang bad kynthei.
Ki ‘thei ïakura ha ka kyrdan jong ki ‘youth’ ki la la lah ban pynthikna ban jam sha ka semi finals hynne ka sngi, ha kaba ka Jiasa B Marak na North Garo Hills ka la jop pyrshah ïa ka Risalang Law-riniang na Eastern West Khasi Hills ha ka 44-46kg. Ha ka 48-51kg, ka Ekyrpangmeki Sohïong ka la pynliem noh ïa ka Nishamery Kurbah na Ri-Bhoi, bad ka Laweiba-phyrnai Marweiñ ka la jop ïa ka Khamkornaki Ïawphniaw ha ka semi final jong kine ki nongïakura kiba na Eastern West Khasi Hills. Ka Sanphika Mynsong (RB) ka la pynliem noh ïa ka Ibapynsuk Thabah (West Khasi Hills) ha ka 54-57kg division.
Ha ka liang ki shynrang (youth), u Russell Fabian Nongkhlaw (Maw -shbuit Boxing Club) bad u Banchanmiki Pyrtuh (Green Heart Boxing Club) ki la khur jingjop ha ka semi final jong ka kyrdan ïalehkai kaba 45-48kg, u Amethyst Synnah (West Jaiñtia Hills) bad u Samuel Sohphoh (RB) ha ka 48-50kg, kumjuh u Ninesevier -sius Suchiang (WJH) bad u Kibanroi Syngkli (EW-KH) ha ak 50-55kg. Kum-juh u Marleki Suchiang (WJH) bad u Erickson Kahit (East Khasi Hills) ha ka 55-60kg.
Haba phai sha ka kyrdan junior jong ki shynrang ki la lah ban ïalehkai bha ha ka quarter final, ha kaba u Arush Biswa (Noble Art Boxing Club), Eddie-ferson Wahlang (GHBC), Pyndapkupar Marweiñ (EWKH), Nambearo Sang -ma (West Garo Hills), Freedy Marngar (EKH), Ryan Lyngdoh (GHBC), Aaron T Sangma (WGH) bad u Arkimanbha Rimen (EKH) ki la khur jingjop ha la ki jong ki kyrdan jingkhia.
Kane ka lympung ïakura kan bteng biang ha ka sngi Balang bad yn pynhap pyrda ha ka sngi Palei.
