Shillong, Ïaïong 30
Hadien ka jingïakhun kaba ïakhaid ha ka Champions League hapdeng ka Paris Saint-Germain bad ka Bayern Munich, ka Arsenal bad ka Atlético Madrid ruh ki la lah ban ïalehkai bha ha ka semi final ha ka wat kaba nyngkong bad ki la ïakhaid mar 1-1 kol lyngba ki ar tylli ki penalty.
U Viktor Gyökeres bad u Julian Álvarez kim shym la pynlehnohei ïa ki kabu ksiar kiba ki la ïoh ban thep lyngba ka penalty, hynrei ka la mih ki kynrum kynram halor ka penalty kaba lai hadien ba u Dávid Hancko u la pynur ïa u Eberechi Eze ha kaba ka la mih ka jingïatai nia hapdeng ki paidbah.
Ha kane ka jingïalehkai shabar na la ïing, ka Arsenal ka la pynkhih jar nyngkong hashwa ban kut ka jingïalehkai jong ka kylla step lyngba u Gyökeres (44), hynrei u Álvarez (56) u la lah ban pynïakhaid kylla na ka bynta ka Atletico.
Lyngba kane ka jingïakhaid, ka Arsenal ka la don jingkyrmen ba kan lah ban ïalehkai bha ha ka wat kaba ar ha la ïing ka ban long ha ka 6 tarik u Jymmang.
