Shillong, Ïaïong 30
Ka Shillong La -jong FC kan pynkhreh ïa ka jingïakhun kaba ar jong ka ‘Championship Round’ ha ka Indian Football League pyrshah ïa ka Chanmari FC ha ka sngi Saitjaiñ ha ka por 6:30 janmiet ha SSA Stadium, Polo.
Halor kane ka jingïakhun, ki bor pynïaid ka Lajong ki la pynbna ban die ïa ki tiket naduh ka sngi Thohdieng ha Electronic Centre (Police Bazaar), Cafe Shillong (Laitumkhrah) bad ha SSA Stadium Ticket Counter (Polo).
Kum ban shu pynkynmaw ha ka jingïalehkai ba la lah, ka Lajong ka la ïakhaid khlem don ba thep kol pyrshah ïa ka Dempo. Te kumta ka SLFC (18 poiñ) ka la don ha ka kyrdan ba-ar, ka dangduna haduh 7 poiñ na ka Diamond Harbour kaba danglamkhmat ha kane ka lympung.
