Shillong, Ïaïong 30
U nongkiewlum ka Jylla hapoh ka lama jong ka Meghalaya Sport Clim-bing and Mountaineering Association (MeSCMA), u B. Kyrmenskhem Lyngdoh u la lah ban pyndep ïa ka jingshah hikai jong ka Basic Mountaineering Course ba la pynlong da ka Himalayan Mountai-neering Institute (HMI), Darjeeling haduh 1 tarik haduh 28 tarik mynta u bnai.
Ïa u Kyrmenskhem uba na Upper Lumparing bad uba dei u samla pule jong ka Shillong College, la bei tyngka da ka ophis jong ka Directorate General of Assam Rifles, Laitkor.
Ha kane ka jingshah hikai, u Kyrmenskhem u la ïoh ïa ka jingjop kaba phylla da kaba wan ha ka kyrdan ba nyngkong ha ka jingïakop jong ka Sport Climbing, da kaba u la lah ban kiew ïa u lum Renok (5025m) kaba long shi bynta jong ka jingshah hikai.
Ïa ka jingïalang pynkup burom la pynlong ha ka 28 tarik mynta u bnai, ka la long ka jingïalang kaba dap da ka jingsngew sarong bad kaba pynsah kynmaw na ka bynta baroh ki nongïashim bynta. Hadien ki taïew jong ka jinghikai kaba pyrkhing bad kaba ïaid beit ïaid ryntih ha ki lum, ki nongshah hikai ki la lah ban pyndep ïa ka sienjam kaba kongsan kaba nyngkong eh.
Kane ka jinghikai ka la ai ka jingpynshai kaba bniah ïa ki jingtbit ba kongsan ha ka jingkiew lum, kynthup ïa ka jingkiew mawsiang, ki jaka ba long thah, bad kumjuh ha ki jaka ba long kynjang na sla duriaw. Nalor ka jingtbit ha ka liang ka jingstad, ka jinghikai ban ïoh ïa ka jingkhlaiñ bad ka jingtbit.
