Shillong, Jymmang 01
15 ngut ki nongïalehkai ka Jylla hapoh ka lama jong ka Meghalaya School of Martial Arts ki la lah ban pynpaw ïa ka jingtbit na ka bynta ban khur takma ha ka 10th National Kungfu Championship 2026 kaba la long ha University of Science and Technology Meghalaya (USTM) ïa kaba la sdang naduh 24 haduh 26 tarik mynta u bnai.
Kane ka kynhun ka la khur 7 tylli ki takma ksiar, 5 ki rupa lem bad 3 tylli ki takma rnong. Lyngba ka jinglah ban pyni ïa ki sap ïalehkai ba kyrpang bad ka mynsiem ïakhun, ki nongïalehkai ki la lah ban ïakhun tyngeh pyrshah ïa kiwei pat ki nongïalehkai na kylla jong ka ri.
Ka jingjop jong ki ym tang ba ka wanrah ïa ka jingsarong ïa kane ka shlem ai jinghikai, hynrei ka pyni ruh ïa ka jingkiew ki khynnah ha kane ka jingïalehkai ha ka Jylla bad khamtam eh ha ki lympung ïalehkai (national level).
Ïa kane ka kynhun la ïalam da u coach u Lameshwa Majaw, ha kaba hapoh ka jingpynïaid jong u ka la long ka bynta kaba kongsan ha ka ban pynkhreh ïa ki nongïalehkai na ka bynta katei ka lympung. Hapoh ka jingïalam jong u, ka kynhun ka la lah ban pyni ïa ka jingtbit ha ka rukom ïalehkai.
Haba pynpaw halor kane ka jingjop, u Coach u la pynpaw ïa ka jingsngew sarong halor ka jingaiti met bad mynsiem jong ki nongïalehkai, da kaba pynpaw ba ka jingjop jong ki ka dei u soh uba thiang ba ki la ïoh kheit.
Ka Meghalaya School of Martial Arts ka dangïai bteng ha ka ban kyntiew ïa ki nong-ïalehkai khnang ba kin long kiba paw bad ba kin nangkiew shajrong ha ka kam ïalehkai jong ki.
