Shillong, Jymmang 03
Ka Mawlai SC kaba la long la lahduh ha u 2024-25, ka la ïoh jaka ban rung sha ka pre-quarter final na ka Group-C ha ka 5th Meghalaya State League, hadien ba ka la lah ban pynliem noh ïa ka Lamin XI SCC da 2-1 kol ha ka sngi Saitjaiñ ha Amlarem.
Ka jingkylli kaba mih ka long hato ki khynnah ïalehkai ka Mawlai ki lah ne em ban ïakhun, khamtam leilei haba la pynïakap bad ka Laskein SCSC ha ka 28 tarik i Ïaïong. Kumba ka long mynta kiba bun na ki rangïalehkai (senior) ka Mawlai ki la leit shim bynta ha ka I-League 3, hynrei ki don sa tang kiba kham khynnah ki ban ïa aireng ha ka MSL.
U Syndongmiki Lyng-doh (9′) bad u Livingson Lyngdoh (77′) ki la ïoh ban thep kol na ka bynta ka Mawlai, hynrei u Genial Lamin u la lah ban pynphai kylla shi kol ha ka minit kaba 63 na ka bynta ka Lamin XI, kaba don ha ka kyrdan ba sahtrai.
Ha Shillong, ka Nang-kiew Irat SC ka la lah ban pynthikna ban bat ïa ka kyrdan ba hakhlieh ha ka Group-B hadien ba ka la jop da 6-1 kol ïa ka Mawphu SC. U Jefferson Pakyntein (16′, 32′, 57′) u la khur ïa ka hat-trick, katba ïa kiwei pat la thep da u Dibinroy Nongspung (4′), Ronaldkydon L Nong -lait (44′) bad u Nikelson Bina (83’P). Hynrei u Banman Roy Nongsiej (54′) u la lah ban pynphai shi kol ïa ka Mawphu.
Ha ka Group-E, ka Lumphyrnai Sohphoh FC ka la ïoh rung sha ka pre-quarter final hadien bal ka la pynliem noh ïa ka Lamyrsiang SCC da 3-1 kol ha Wahïajer.
U Eborki Marsharing (14′) u la pynkhih jar nyngkong eh na ka bynta ka Lamyrsiang, hynrei ka Lumphrynai Sohphoh ka la wanphai da ka jing-khlaiñ bor ha ka kylla miet ha kaba ka la ïoh ban thep kol lyngba u Phrangsngi Law (52′) bad ïa ki ar kol la thep da u Sonowel Kharsati (79′, 81′). Watla ka dangsah sa ar sien ïakhun ha kane ka group, ka Shillong Lajong FC bad ka Lumphrynai Sohphoh kiba la pynthikna ban jam sha kawei pat ka wat jingïakhun, hynrei kin hap ïaknieh ban ïoh bat ïa ka kyrdan ba hakhlieh.
Haba phai sha ka jing-ïakhun jong ka Group-D, ka Ladthadlaboh SC ka la pynjem khnap ïa ka Jalaphet Moochut Pyr-dung SC da 10-1 kol ha Khliehriat. Kine baroh ar ki kynhun ki la duh rung sha ka pre-quarter na ka daw ba kim shym la lah ban ïalehkai bha ha ki jingïakhun ba la lah.
Ka Ladthadlaboh, kaba la rung semi final ha ka MSL 2024-25, ka la ïoh ban thep lyngba u San-deep Siangshai (7′, 16′), Andrew Nanghuloo (10′, 49′, 51′), Shanhok Siang-shai (14′, 22′, 24′) bad u Wansa-oo Latoo (70′, 79′), katba u Tiyo Syrti (53′) u la pynphai kylla shi kol ïa ka Jalaphet.
Ka Mishon SSCC ka la khur jingjop ha Mairang hadien ba ka la lah ban pynliem ïa ka Umlakro SC da 3-0 kol ha ka Group-F. U Damanbhalang Rynta-thiang (35′, 67′) u la the par kol bad ïa kawei la pynbud da u Mebanlambeit War (53′).
Ha ka jingïalehkai jong ka Group-G ha William-nagar, ka Janepih YSCA bad ka Maram FC ki la ïakhaid khlem don ba thep kol. Te kumta ka Janepih ka la bat ïa ka kyrdan ba hakhlieh bad ka Maram ka la wan ba-ar. Kumjuh ha Mawkyrwat, ka Mawlarshong SC bad ka Mawten SC ki la ïakhaid khlem don bathep kol ha ka Group-H.
Ha ka lah sngi U Blei kin don tang ar tylli ki jingïalehkai ki ban long ha ka por 3 baje nohphai sngi. Ha ka Group-E ka Ïatyllilang Lumsehkot CSC kan ïakynduh pyrshah ïa ka Lumphyrnai Sohphoh FC ha Wahïajer bad ha ka Group-G ka Balmanduri FC kan ïakhun pyrshah ïa ka Attong Matgrik FC ha Williamnagar.
