Imphal, Jymmang:
Ki bor pahara ki la kem ïa uwei u dkhot ba trei shitom jong ka kynhun ba la shah ñiew beaiñ ka Kanglei Yawol Kanna Lup (KYKL) ha ka 4 tarik u Jymmang, ha ka por ba ki pynlong ïa ka jingtohkit kaba ïadei bad ka jingtohkit ba la mudui ha thanat Singjamei.
Une u briew uba la shah kem u dei uba la tip kyrteng kum u Maibam Romio Singh (52) uba la tip ruh da ka kyrteng kum u Ronald uba shong ba sah ha Singjamei Wangma Kshetri Leikai Mongkhang Lambi kaba don ha Imphal East distrik jong ka Manipur.
Katkum ka jingïathuh jong ki heh sorkar, ki bor pahara ki la kem ïa u na ïingsah jong u ha ka 4 tarik, Jymmang hadien ka jingtohkit kaba bteng bad ki jingtip ba bniah. Ha ka jingkhynra, la kurup ïa kawei ka Mobile phone bad kawei ka Aadhaar card na ka kti jong u.
