Shillong, Jymmang 06
Ka Shillong Sports Association (SSA) kan sdang noh ïa ka Shillong League 2026 mynta ka aïom da ka U-20 Fourth Divi-sion Football Tourna-ment 2026 mynta ka sngi Palei.
Ïa kane ka lympung yn wan ban plie da u Myntri Rangbah ka Jylla u Conrad K Sangma kum u kongsan ha ryngkat u Myntri ka tnat ïalehkai Bah Wailadmiki Shylla kum u symbud kongsan ha ka por 4 baje nohphai sngi.
Ki kynhun ki ban shim bynta ha kane ka lympung ki don 32 tylli ha kaba la phiah ïa ki ha ki hynriew tylli ki group.
Ha ka Group-A ki long ka Imson SC, Them Rangshken SC, Lumkseh SC, Riatsamthiah SC bad ka Phir Kurbah Memorial SS&CC. Ha ka Group-B ki long ka Lympyngngad SC, Laitlulong SC, Thynroit SC, Mawpdang SC & Don Bosco Academy. Ha ka Group-C ki long ka Madanrting SC, Golflinks SC, Nongthymmai SS&CC (Nongkynrih), Mawlyngngad SC bad ka Weilyngkut Area Football CC.
Ha ka Group-D ki long ka Maw-phlang SC, New Challenger FC, Maw-shbuit SC, Pynthorbah SC, Nongkseh United FC & Nongpiur SC& CC. Ha ka Group-E ki long ka Laitkroh SC, Mawnianglah Youth SC, Summit Football Academy, Umïew S&CC, Sei La Sap C&CC & Diengpasoh S&CC. Katba ha ka Group-F ki long ka Gorkha Association, Laitlyngkot SC, Ïateilang SC, Pommura SC bad ka Ïatylli S&CC.
Kat kum ka prokram, la ong ba ki kynhun ki ban ïakhun ha kane ka sngi sdang kin long hapdeng ka Mawnianglah Youth SC pyrshah ïa ka Seila Sap F&CC ha ka por 4:30 nohphai sngi ha SSA Stadium. Katba ha ka sngi Thohdieng ka Imson kan ïakynduh pyrshah ïa ka Lumkseh ha ka por 1 baje mynsngi ha madan MFA kaba ha Polo. Ha ka 9 tarik ka Them Rangshken ïa ka Phir Kurbah Memorial ha ka por 1 baje ha SSA Stadium. Ha ka por 4 baje nohphai sngi ka Lympyngngad kan ïakynduh pyrshah ïa ka Thynroit ha SSA Stadium, katba ka Laitlulong ïa ka Don Bosco Academy ha madan MFA, Polo.
