Nongstoiñ, Jymmang 06
Ka PHE Department bad ka Veterinary Department ki la rung sha ka final ha ka lympung ïalehkai 2nd West Khasi Hills Inter Office & Institutional T20 Cricket Tournament 2026 ba la pynlong da ka West Khasi Hills District Cricket Association, hadien ba ki la khur jingjop ha ka sngi Balang ha madan Synod College,Tiehsaw.
Ha ka jingïakhun semi final kaba nyngkong, ka Veterinary ka la pynliem noh ïa ka DMHO da 93 run. Ïa ka kynting pisa la jop da ka Veterinary ha kaba ka la shimti ban tied nyngkong ha kaba ka la kamai 177 run bad shah pynhap 9 wiket na ki 20 over. Haba wan beh ïa ka thong, ka DMHO ka la kamai tang 84 run hadien ba ka la shah pynkhyllem baroh ki nongtied ha ki 16.3 over. U Albert Syiemlieh u la khur ïa ka nam Player of the Match.
Haba phai pat sha ka jingïalehkai semi final kaba ar, ka PHE ka la jop da 6 wiket ïa ka DC Office. Ka DC Office kaba la kam trai ban tied nyngkong, ka la kamai 174 run bad shah pynhap 5 wiket na ki 20 over. Hynrei ka PHE ka la kynjoh sha ka thong da kaba kamai 177 run bad shah pynhap 4 wiket ha ki 16.3 over. U Ïohbyntalang Sanglyne uba tied 70 run, u la khur ïa ka nam Player of the Match.
Te kumta na ka liang katei ka synjuk ka la pynbna ba ka jingïakhun final hapdeng ka PHE bad ka Veterinary kan long ha ka 8 tarik mynta u bnai naduh ka por 10 baje mynstep.
