Jowai, Jymmang 06
Ka lympung ïalehkai badminton ba la tip kum ka 19th Inter-School Badminton Championships 2026 ïa kaba la pynïaid da ka West Jaiñtia District Badminton Association, ka la sdang ha ka sngi Balang ha Kiang Nangbah Indoor Stadium, Jowai.
Ha kane ka lympung ïalehkai kaba lai sngi lynter, ki don haduh 90 ngut ki khynnah skul kiba la wan ïashim bynta na ki 15 tylli ki skul ha kylleng ka District kynthup ruh ki skul marjan kum na Shangpung bad Mowkaïaw.
Ha kane ka sngi la donlang u Bah D. Pyrbot, President ka WJDBA, Bah A. Passah, Tournament Organizer, R. Passah, General Secretary WJDBA nalor kiwei.
Ha ka sngi sdang la lah ban pyndep 38 tylli ki jingïakhun naduh ka kyrdan Under-13, Under-15, Under-17, bad Under-19 jong ka Singles bad Doubles.
