Jowai, Jymmang 08
Ka lympung ïalehkai badminton kaba tip kum ka 19th Inter-School Badminton Championships 2026 ba la pynïaid da ka West Jaiñtia District Badminton Association (WHDBA) kaba la sdang ha ka 6 tarik kala kut noh ha ka 8 tarik Jymmang ha Kiang Nangbah Indoor Stadium, Jowai.
Haduh 90 ngut ki khynnah na ki 15 tylli ki skul kiba don ha Jowai, Shangpung, Mowkaiaw bad ki skul marjan bad ka sor Jowai kiba la ïashim bynta ha kane ka lympung kaba don haduh 100 tam tylli ki jingïakhun na ka bynta ka kyrdan Under-13, 15, bad 17 Singles bad Doubles.
Haba phai sha jingïalehkai final, ha ka jingïakhun kaba para marwei jong ka kyrdan Under-13 Girls ka Anjelia Lamare na AHSS, Khliehtyrshi kala jop ïa ka Wansakani Pohdweng na NLHSS. Katba ha ka liang ki shynrang, u Rosangliana Kawlni na AHSS Khliehtyrshi ula pynliem ïa u Lakhon Langstang na Clear Water SS Shangpung.
Ha ka Under-15 Girls Single la jop da ka Nijaka Lamare na St. Mary Mazzarello Higher Secondary School, Jowai ïa ka Risha Lamare na AHSS, Khliehtyrshi. Katba ha ki shynrang la jop da u Wailadmiki S. Passah na Kilomitre Stone SS. Shangpung pyrshah ïa u Jayden Phyllei na KJP Synod Mihngi, Jowai.
Ha ka Under-15 Boys Doubles la jop da u Jingjang R. Sangma & Ewanmi L. Sutong na AHSS, Khliehtyrshi ïa u Tuleiitei Kyndiah & Dawruhi Dame Rabon na NLHSS.
Ha ka Under-17 Boys Single la jop da u Dathrang I Langstang na KNGHSS ba ar Thangpei Zimik na AHSS Khliehtyrshi. Katba na ka liang ki kynthei la jop da ka Daphikai Ryngkhlem ba ar Rosang Zuali Kawlni na AHSS Khliehtyrshi.
Ha ka Under-17 Boys Double la jop da u Annoris Mukhim bad Dathrang I Langstang ïa u Wailadmiki S. Passah bad Dameshwa Suiam na Kilomitre SS, Shangpung.
Ha ka Under-19 Girls Single, la jop da ka Daphika Ryngkhlem na GBHSSJ, ba ar ka Catherine W. Daimari na AHSS, Khliehtyrshi.
Ha ka Under-19 Girls Doubles la jop da ka Catherine W. Daimari & Rosang Auali Kawlni, ba ar Michelle Hnamte & Badaiahunlang Lamare baroh kidei na AHSS, Khliehtyrshi.
Ha ka Under-19 Boys Single la jop da u Teidamei Sungoh na GBHSSJ, ba ar Dapmon Papang na Lum-muroo School Shangpung.
Ha ka Under-19 Boys Doubles, la jop da u Teidamei Sungoh & Ewansaoo Sumer na GBHSSJ, ba ar Thangpei Zimik & Stephan Wakam-bam Daimari na AHSS Khliehrtyshi.
Ïa kane ka lympung la pynhap pyrda da u Ma D. Pyrbot, President ka WJDBA, ha ka jingdonlang u A. Passah Tournament Organizer, u R. Passah, General Secretary WJDBA nalor kiwei.
