Shillong, Jymmang 10
Ka Shillong Lajong FC ka la don hapdeng ka jingeh ban rah ïa ka ka nam lahduh ha ka sien kaba nyngkong eh ha ka Indian Football League ba la pynïaid da ka AIFF, hadien ba ka la ïakhaid mar 1-1 kol pyrshah ïa ka Sreenidi Deccan FC ha ka sngi U Blei ha Hyderabad.
Kane ka jingïakhaid ka la pynphuh mut phu mat ïa ka Diamond Harbour FC ba kan rah ïa ka nam lahduh mynta ka aïom namar ka dangtam haduh 6 poiñ ï aka Lajong, kaba don ha ka kyrdan ba-ar.
Ha kane ka jingïakhun ka Sreenidi ka la ïoh ban pynkhih jar nyngkong eh ha ka minit kaba 9 lyngba u David Castaneda Munoz, hynrei u Vice Captain ka SLFC u Phrangki Buam u la lah ban pynïakhaid kylla ha ka minit kaba 59. Kane ka kol ka long kaba hynriew kaba u la thep ha kane ka aïom.
