Shillong, Jymmang 10
Ka Them Rangshken bad ka Thynroit S&CC ki la khur ïa ka jingjop ha ka lympung ïalehkai U-20 4th Division Football League 2026 ba la pyn-ïaid da ka Shillong Sports Association (SSA) ha ka sngi Saitjaiñ.
Ha kane ka jingïa-khun kaba la long ha SSA Stadium, ka Them Rang-shken SC ka la pynliem noh ïa ka Phir Kurbah MSS&CC da 2-1 kol. Tang mar ïasdang ka jingïalehkai ka Them Rangshken ka la ïoh ban pynkhih jar nyngkong eh lyngba u Mebadonbok Malngiang ha ka minit kaba 2. Hynrei hashwa ban kut ka jingïalehkai jong ka kylla step ka Phir Kurbah ka la pynphai kylla lyngba u Richborn Kurbah (43′). Ha ka kylla miet ka Them Rangshken ka la thep biang lyngba u Richmond Khongsit (65′) na ka bynta ban khur ïa ka jingjop.
Ha ka jingïakhun kaba ar, ka Thynroit S&CC ka la jop da 2-0 kol ïa ka Lumpyngngad SC. Ia kine la thep da u Pynshaikmen Nongrum (73′) bad u Banraplang Suting (77′).
Haba phai sha kawei pat ka jingiakhun kaba khatduh, hapdeng ka Laitlulong SC bad ka Don Bosco Academy ki la ïasam mar shi poiñ hadien ba ki la ïakhaid khlem don ba lah ban thep kol haduh kaba kut ka jingïalehkai.
