Shillong, Jymmang 11
Ka kynhun ïalehkai ka Jylla ka la pynjem khnap haduh 5-0 kol ïa ka Jharkhand ha ka jingïalehkai ka Group-A jong ka U-20 Men’s National Football Championship 2026, ha ka lah sngi U Blei ha Narainpur, Chhattisgarh.
Ha ka jingshisha ïa kane ka jingïalehkai la thmu ban pynlong ha ka por mynstep, hynrei la kynriah noh ha ka por janmiet.
U Mebanlamlynti Masharing u la khur ïa ka hat-trick hadien ba u la ïoh ban thep ha ka minit kaba 19′, 73′, 87′. Ïa kiwei la pynbud da u Menangpyndap Khongjee (27′) bad u Damitre Kynjing (67′).
Kane ka long ka jingjop kaba ar ïa kane ka kynhun ïalehkai ka Jylla bad kham hashwa ka la jop da 3-1 kol ïa ka Bihar.
Te kumta ka Meghalaya kan pynkhreh ïa ka jingïakhun kaba ar pyrshah ïa ka Andhra Pradesh ha ka sngi Balang ha ka por 4:15 janmiet.
