Imphal, Jymmang:
Ki nongshong shnong bad ki nongshong dukan ki la dap da ka jingkyndit bad ka jingtieng jingsyier na ka jingbthei jong u bom ha Singjamei Bazar kaba don ha ka nongbah Imphal, Manipur. Une u bom u la bthei ha ka por shiteng synñia jong ka 14 bad 15 tarik, Jymmang, la ïathuh ka tyllong khubor ba la wan na ki pulit ka thaiñ.
Katkum ka jingtip ba hashwa, ki nongtohkit ki la ïathuh ba uwei u briew u la ïap ha ka jingjia, ha kaba ki la suba ba une u lah ban dei uba rah ïa u bom ha ka por ba bthei. La ïathuh ba une u briew u la poi ha katei ka jaka da ka thuk thuk hashwa ba u bom un bthei.
Na ka liang jong ki pulit ki la ker kut ïa kane ka jaka bad ki la pynlong ïa ka jingtohkit halor kane ka jingjia. Haduh ba la thoh ïa ka khubor, ym pat lah ban ithuh ïa u briew uba la ïap ha kane ka jingjia. Ka jingtohkit ha kaba ïadei bad kane ka jingbthei bom ka dang ïaid shakhmat.
