Shillong, Jymmang 15
Ka All Meghalaya Taekwondo Association kan pynlong ïa ka lympung ïalehkai 2nd Meghalaya Open Taekwondo Championship bad ka 1st State Level Taekwondo Championship (Kyorugi and Poomsae) ha ka 16 bad 17 tarik mynta u bnai ha Laban Sports Club, Shillong.
Ïa kane ka lympung yn wan ban plie da u Lamphang ka Ïingdorbar Thawaiñ u Thomas A Sangma kum u kongsan, katba u Myntri ka tnat ïalehkai u Bah Wailadmiki Shylla un wan ban pynhap pyrda ïa kane ka lympung ha ka sngi kaba bud.
Kat kum ka kyrwoh la ong ba kane ka lympung yn ïadon lang u Grand Master u Wan Young Lee, 8th Dan Black belt jong ka South Korea. La ong ruh ba kin don ki nongïalehkai na ka Jylla lem bad kiwei pat kiba na ka thaiñ Shatei Lammihngi kin wan ïashim bynta ha kane ka lympung.
