Guwahati, Jymmang:
U Myntri Rangbah ka Assam u Himanta Biswa Sarma ha ka 16 tarik u Jymmang, u la bishar bniah ïa ka jingtreikam jong ka Mines and Minerals Department jong ka jylla, da kaba bishar bniah ïa ka jingtreikam jong ka baroh kawei, ka lynti ïaid jong ka khajna bad ka jingïaid shaphrang jong ki jingpynkylla ba kongsan ha ka kam tih marpoh khyndew.
Ha ka jingïalang bishar bniah, la pynlong ïa ki jingïakren halor ka jingpynïaid ïa ki marpoh khyndew, ki jingdie lilam ïa ki marpoh khyndew bad ka jingwad ïa ki marpoh khyndew kiba kongsan bad kiba duna bha kiba thmu ban pynkhlaiñ ïa ka jingroi ka ïoh ka kot jong ka Assam ha shi lynter.
Ka jingïalang ka la pynleit jingmut ruh halor ki buit ban pynbha ïa ka jingtreikam ha ka tnad katba dang pynthikna ïa ka jingpyndonkam ïa ki marpoh khyndew ha kylleng ka jylla ha ka rukom kaba pynneh pynsah ïa ka mariang.
