Shillong, Jymmang 19
U Enzo Maresca u la pynkhreh ban mih bujli noh ha ka jaka u Pep Guardiola kum u manager uba thymmai jong ka Manchester City hashwa ban sdang ka aïom ïalehkai kaba thymmai.
Kat kum ki khubor la ïathuh ba u Guardiola u la pynkhreh ban mih noh na kane ka klob hadien ka jingïakhun ka ban long ha ka sngi U Blei ha la ïing pyrshah ïa ka Aston Villa ha Etihad Stadium, kane ka jingïakhun kan dei kaba khatduh ha kane ka aïom.
Kumba ka paw utei u coach barim ka Chelsea u Maresca u la long uba la shah phaikhmat na ka bynta ban mih bujli ha ka jaka utei u coach uba na Spain na ka bynta ka aïom ïalehkai 2026-27.
Te kumta ka City ka dangpynkhreh ïa ka jingmih noh u Guardiola kaba dangsah sa tang hynriew bnai, hynrei ki jingïakren ka dangïaid shakhmat na ka bynta ban wanrah ïa u Maresca.
Utei u coach ba la 46 snem ka rta u la thrang ban shimti ïa kane ka kam bad la khmih lynti ba un pynthikna kum u nongmih bujli ha jaka u Guardiola ha ka por kaba biang.
Une u manager uba na Italy, uba la lah ban pyn-urlong ban khur jingjop ha ka Club World Cup bad ka Conference League, na ka bynta ban ïoh rung sha ka Champions League ha ka por ba u dangdon ha katei ka klob kaba ha Stamford Bridge, ha kaba kham hashwa u la don bynta ha ka City.
U la ïatrei lang teng hapoh ka jingkhmih da u Guardiola ha ka por ba ka City ka la jop lai sien ha u snem 2022-23 bad u la don ka bynta kaba kongsan ha ka shlem ai jinghikai jong ka klob hashwa ba un shimti ban pynïaid ïa kane ka kynhun.
Te kumta utei u rangïalehkai barim ka West Brom bad Juventus u la mih noh na ka City ha u snem 2023 na ka bynta ban leit shimti ïa ka Leicester, uba la lah ban pynurlong ban pynkiew kyrdan sha ka Premier League tang ha ka por ba dangdon ma u.
Kham hashwa u Guardiola u la ong, “Uwei na ki nongpynïaid ba tbit tam ha ka pyrthei, u Enzo Maresca, nga tip bha ïa u hynrei, ka kam kaba u la leh ha Chelsea kam pynïoh burom ïa u.”
“Ban khur jingjop ha ka Club World Cup, Conference League, bad ban ïoh rung sha ka Champions League ka long ka kam kaba eh bha na ka bynta ka kynhun kaba don ïa ki rangïalehkai kiba dangkham khynnah.”
