Jowai, Jymmang 20
Ka shlem treikam u District Sports Officer (DSO) West Jaiñtia Hills ka la pynbna ba kan pynlong ïa ka District Level Inter School Subroto Mukherjee Cup Football Tourna-ment 2026, kaba buh ban long ha Wahïajer Multi Sports Complex naduh ka taïew balai u Jylliew mynta u snem.
Ïa kane ka lympung yn phiah ha ki lai tylli ki kyrdan ïalehkai jong ki kynthei bad shynrang, kata ka Under-15 ki shynrang, katba ka Under-17 jong ki shynrang bad kynthei.
Kat kum ka kyrwoh ba la pyllait da u DSO Bah K. Passah la ong ba ïa ki form lah ban wan shim na katei ka shlem treikam ha ka por long trei bad ïa ki jingtit ba bniah ki lah ban ïoh na katei ka shlem treikam.
La ong ba ïa ki form yn ym pdiang shuh palat ïa ka 5 tarik u Jylliew. Ka jingïalang bad baroh ki nongïalam skul kan long ha ka 5 tarik ha ka por 1 baje mynsngi ha Kiang Nangbah Indoor Sta-dium, Jowai bad ka jingkhmih ïa ki rta jong ki khynnah kan long ha ka 9 tarik.
