Shillong, Jymmang 20
Ka lympung ïalehkai SSA U-20 4th Division Football league 2026 ha ka 20 Jymmang 2026 ha ka por 1 baje nohphai sngi ka la bteng da ka jingïalehkai hapdeng ka Mawpdang SC pyrshah ïa ka Lumpyngngad SC kaba la long ha madan MFA Ground.
Ka Mawpdang SC ka la jop kput da 10-0 kol ïa ka Lumpyngngad SC. Ïa ki kol la thep da u Jonathan Kharbani (5, 75, 79, 80 & 80+1), u Nameshemphang Pdahkasiej (19), u Marbiang Kharbhih (34) bad u Lamshai Jana (49, 53 & 67).
Ha kawei pat ka jingïalehkai ha ka por 4 baje janmiet ka Thynroit SC ka la jop noh da 2-1 kol ïa ka Laitlulong SC. Na bynta ka Thynroit SC la ïoh ban thep kol da u Banraplang Suting ha ka minit ba 40 bad u Ishanborlang kurkalang 70 katba ka shi kol ka Laitlulong SC la thep da u Wallamjingsuk Dkhar 27.
Ha ka 21 Jymmang 2026 ka Mawlyngngad SC kan ïakhun pyrshah ïa ka Madanryting SC ha ka por 1baje nohphai sngi bad ha ka por 4 baje ka Nongthymmai N SC pyrshah ïa ka Golflink SC.
