Shillong, Jymmang 24
Ka Nongkseh United FC ka la khur jingjop ha ka lympung ïalehkai SSA U-20 4th Division Football League 2026, hadien ba ka la pynliem noh ïa ka New Challenger FC da 2-0 kol ha ka sngi Saitjaiñ ha madan Third Ground, Polo.
Kane ka nam jop ka la wan urlong lyngba ki kol ba la thep da u Samphrangshai Rani ha ka minit kaba 42 bad 75.
Haba phai sha kawei pat ka jingïakhun kaba ar hapdeng ka Laitkroh SC bad ka Mawñianglah Youth SC ki la ïakhaid mar 2-2 kol. U Rosario Kharkongor u la thep kol na ka bynta ka Laitkor ha ka minit kaba 7 & 52, hynrei ka Mawñianglah ka la pynphai kylla lyngba u Reubenson Kharkongor (2) bad u Eborlang Kharkongor (80+2).
Ka jingïalehkai ha ka lah sngi U Blei kan long hapdeng ka Umiew S&CO pyrshah ïa ka Summit Academy ha ka por 1 baje mynsngi bad ka Seila Sap F&CC ïa ka Diengpasoh SC ha ka por 4 baje nohphai sngi.
