Shillong, Jymmang 24
Ka Youth Development Cell jong ka Tyrsad Area Sports Association (TASA) ka la sdang ïa ki lympung ïalehkai ki heprit ba la tip kum ka Youth League U-13 bad U-15 ha ka sngi Saitjaiñ ha madan Mawlum kaba ha Tyrsad.
Ki la don saw tylli ki kynhun kiba shim bynta ha ka U-13 kiba kynthup ïa ka 4 For All FC, Mawtangor SC, Nongspung SC bad ka Nongmadan SC. Katba ha ka U-15 ki don san tylli ki kynhun kiba wan shim bynta kiba kynthup ïa ka Perkseh SC, Mawlum Tyrsad SC, Pyndenumbri, 4 For All FC bad ka Nongwah SC.
Haba phai sha ka jingïalehkai U-13 jong kane ka sngi sdang, ka 4 For All kala pynliem noh ïa ka vs Mawtangngor da 10-0 kol. Ïa kine la thep da u Wanpyntngen Jyrwa ha ka minit kaba 15, 69, kumjuh u Damankhraw Umdor (20), Khlurjongshai Rani (26, 35), Damangkynsai Khongsit (29), Ïakitlang Mawlong (48, 53, 55) bad u Ïohbor War (66).
Ha ka jingïakhun jong ka U-15 pat la jop da ka Mawlum Tyrsad da 2-0 kol ïa ka Perkseh. Ïa kine la thep da u Edison Khongsit ha ka minit kaba 42 bad u Mebankyrshan Rani ha ka minit ba 48.
Ïa kane ka lympung la wan ban plie da u Bah Pynshai Rani, Asst. Gene-ral Secretary ka KSU Seng kmie kum u kong-san, ha ryngkat u Bah Brolan Umdor, President Mawlum Tyrsad kum u symbud kongsan ha ryngkat ka jingïadon lang kji dkhot nongkitkam ka KSU, FKGP, HYC, HNYF Tyrsad Circle bad ki Rangbah shnong.
Ha kaba ïadei bad ka final jong ka TASA Women League kan long ha ka 27 tarik mynta u bnai hapdeng ka Mawlum Tyrsad pyrshah ïa ka Mawsadang ha ka por 12:30 mynsngi.
