Shillong, Jymmang 25
Ka shlem treikam u Dis-trict Sports Officer (DSO), East Khasi Hills kan pynlong ïa ka lympung ïalehkai District Level Inter School Subroto Cup Football Tournament 2026 naduh 15 tarik u Jylliew.
Ïa kane ka lympung la phiah ha ki lai kyrdan kata ka U-15 jong ki shynrang, katba ka U-17 kan dei na ka bynta ki kynthei bad shynrang.
Kane ka shlem ka la bthah ba na ka bynta ka Sub-Junior Under-15, ki khynnah ki dei ban long kiba la kha ha lane hadien ka 1 tarik u Kyllalyngkot 2012, katba ka Junior Under-17 ki khynnah ki dei ban long kiba la kha ha lane hadien ka 1 tarik u Kyllalyngkot 2010.
Ka tarik ban pynpoi ïa ki form kan long ha ka 8 tarik u Jylliew ha katei ka shlem treikam ha ka por long trei bad ka jingkhmih ïa ki rta jong ki khynnah kan long ha ka 10 tarik u Jylliew. Ki khynnah ki dei ban rah lang ïa ki kot ki sla ki ban pynshisha ïa ka snem kha kum ki Original Birth Certificate bad ka Adhaar Card ha ka por ba bishar thuh ïa ki rta jong ki khynnah.
