Shillong, Jymmang 25
Ka Umïew S&CO bad ka Seila Sap F&CC ki la khur jingjop ha ka lympung ïalehkai SSA U-20 4th Division Football League 2026 ha ka lah sngi U Blei.
Ha kane ka jingïakhun kaba la long ha madan MFA kaba ha Polo, ka Umïew ka la pynliem noh ïa ka Summit Academy da 1-0 kol bad ïa kane la thep da u Jesperson Nongkhlaw ha ka minit kaba 75.
Haba phai sha kawei pat ka jingïakhun kaba ar, ka Seila Sap ka la jop da 1-0 kol ïa ka Diengpasoh SC bad kane ka la wan lyngba ka shi kol ba la thep da u Rishanskhem Langstieh ha ka minit kaba 48.
Kane ka lympung kan bteng biang ha ka sngi Ba-ar ha kaba ka Pommura SC kan ïakhun pyrshah ïa ka Gorkha Association ha ka por 1 baje mynsngi, katba ka Ïateilang SC ïa ka Laitlyngkot SC ha ka por 4 baje nohphai sngi.
