Shillong, Jymmang 26
Ka long ka jingkmen ïa ka Jylla hi baroh kawei ha kaba uwei na ki khlur ïalehkai Mixed Martial Arts (MMA) u Jeff Sohtun u la khur jingjop ha ka MMA Fight kaba la pynïaid da ka Wild-Cage n Hades MMA kaba la long ha Raipur Chhatisgarh.
Ha katei ka jingïakop kaba la long ha 23 tarik mynta u bnai, u Jeff u la lah ban pynliem noh ïa u rangïalaehkai ba paw u bym pat ju shah rem hapoh ka ri, u Pakram Dogra tang hapoh 2 minit jong ka wat kaba nyngkong.
Kane ka long ka sien kaba hynñiew ba utei u rangïalehkai ka Jylla uba na Lumparing u la lah ban pynliem ïa ki nongïalehkai ka liang pyrshah kiba na kylleng jong ka ri India. U Bah Sohtun u dei ruh u dkhot nongkitkam ka HNYF bad mynta u dangbat kum u President ka HNYF Lumparing Laban Circle.
