Shillong, Jymmang 29
Ka lympung SSA U-20 4th Division Football League 2026 ha ka 29 Jymmang 2026 ka la bteng da ka jingïalehkai hapdeng ka Mawshbuit SC bad ka Mawphlang SC ha madan SSA Ground No.1 ha ka por 1 baje nohphai sngi.
Ka Mawphlang SC ka la jop kput da 7-0 kol ïa ka Mawshbuit SC, ki kol la thep da u Arkidonlang Hujon ha ka minit ba 30, 47 & 62, u Kerius Rymbai (51), Albertstar Mawlong (68), Kestar Kharshiing (73) bad u Lestarroy Mawlong (80).
Ha kawei pat ka jingïalehkai kaba la long ha madan MFA Ground No.1, ka New Challenger FC ka la jop da 4-0 kol ïa ka Pynthorbah SC, ïa ki kol la ïoh ban thep da u Khrawpyrkhat Lyngkhoi ha ka minit ba 13, u Bobinchal Wanniang (50), Deibormi Pyngrope 55 (Own Goal) bad u Damelashaing Mawlieh (69).
Ha ka 30 Jymmang 2026 ka Nongpiur SC kan ïakhun pyrshah ïa ka Nongkseh United FC ha madan Ground No.1 SSA ha ka por 1 baje nohphai sngi.
