Shillong, Jymmang 29
Ka Fit India Movement hapoh ka Khelo India bad ka Sports Authority of India (SAI) ka pynlong ïa ka “Sundays of Cycle” kaba kyrpang ha ka 31 tarik Jymmang, 2026, naduh ka por 6 baje haduh 9 baje mynstep ha Shillong ban kyntiew ïa ka jingkoit jingkhiah ha ka met ka phad (fitness) bad ka jingim kaba koit ba khiah.
Ha kane ka sngi yn sa don lang da u Dr. Mansukh Mandaviya, Myntri ka Sorkar Pdeng ka tnad Youth Affairs & Sports, bad ka Raksha Nikhil Khadse, myntri khynnah ka Sorkar Pdeng ka tnad Youth Affairs & Sports, ryngkat bad kiwei pat ki riew pawkhmat.
Kane ka jingñiah saikil kan sdang na State Central Library bad kan ïaid lyngba ka DC Ophis, Ward’s Lake, Lok Bhavan, bad Civil Hospital shwa ban wanphai biang sha State Central Library.
