Shillong, Jymmang 31
Ka Meghalaya State Kickboxing Association (MSKA) ka la sei ïa 14 ngut ki khynnah shynrang bad 2 ngut ki kynthei kiba la mih na ka nongbah ban leit shim bynta ha ka National Kickboxing Championship 2026 kaba la sdang naduh ka sngi Saitjaiñ bad kan kut ha ka 3 tarik u Jylliew ha Odisha.
Ïa kane ka kynhun la ïalam da ka ‘thei ïalehkai ka Daniella I.W Mylliemngap kaba na Lumparing Lumdorbar. Ïa kane ka lympung la pynïaid da ka Odisha State Kickboxing Association hapoh ka jingkhmih da ka WAKO India Kickboxing Federation.
Kane ka kynhun ka kynthup ïa u Benjamin Nongtraw ha ka Low Kick below 54 kg, Aedriel Gordon Ranee (K1 Rules below 47 kg), Aldrin Osmond Pariat (K1 Rules below 60 kg), Derick Dashankur Nongrum (K1 Rules below 54 kg), Arrishot Bitdor Mawlieh (Low Kick below 51 kg), Darren Ervim Blah (Full Contact below 51 kg), Saikuparlang Phanbuh (Low Kick below 54 kg), Sumarlang Kharumnuid (K1 Rules below 56 kg), Enkupar Wahlang (K1 Rules below 50 kg), Misariio Nongdhar (Full Contact below 45 kg), Nangsanshaphrang Kharbithai (Kick Light and Light Contact below 45 kg), Merapkerlang Lyngwa (Full Contact below 63 kg), Erickson Nongkynrih (Low Kick below 50 kg), Hamebuhnam Pathaw (Full Contact below 45 kg), ka Nathania Mylliem Umpling (Low Kick below 48 kg) bad ka Wanlarihun Kharbuki (Full Contact below 48 kg).
Na ka liang ka MSKA ka la ai ka jingkitbok ïa kane ka kynhun ba kan lah ban ïalehkai bha ha katei ka lympung bad khmih lynti ban kin wanrah ïa ka jingjop.
