Shillong, Jylliew 03
Ka shi kol ba la thep da ka Sanfida Nongrum ka la biang pura ïa ka kynhun ki ‘thei ïalehkai ka India ba kan pynliem noh ïa ka Bhutan da 1-0 kol ha ka semi final jong ka SAFF Women’s Championship kaba la long ha ka sngi Balang ha Pandit Jawaharlal Nehru Stadium kaba ha Margao, Goa.
Lyngba kane ka jingjop, ka India kan ïakynduh pyrshah ïa ka Bangladesh ha ka final ka ban long ha ka sngi Thohdieng. Kane ka long ka jingïakynduh biang hadien ba ka India ka la jop teng ha ka jingïalehkai group.
Katei ka shi kol ba la thep da ka Sanfida ka la wan lyngba ka kylla miet hadien ba ka India ka la pynlehnohei ha ka kylla step.
Ka Manisha Kalyan, kaba la ïasoh lang bad ka kynhun ha ka prokram kilanmet mynta ka sngi Ba-ar, ka la ïoh mih madan ha ka kylla miet ha ryngkat ka jingwanrah ïa ka Pyari bad ka Sangita ka la nangpynwan dur ïa kane ka kynhun jong ka India bad ban pynurlong ïa ka jingjop.
