Shillong, Jylliew 05
Ka jingjop ba kongsan na ka bynta ka ri Sri Lanka ha kaba u Rumesh Pathirage ka Sri Lanka u la jop ïa ka nam lahduh ba nyngkong jong u ha ka Diamond League ha Rome da ka jingkawang sum kaba heh bha bad kaba don histori kaba jrong haduh 92.62 meter.
Kane ka dei ka jingkawang sum kaba bha tam ha ka pyrthei naduh ka jingïalehkai phainal jong ka Olympic ha u snem 2024.
U Pathirage u la kylla long tang u nongialehkai Asia uba saw bad u briew uba 28 ha ka histori uba la lah ban thep palat ïa ka dak kaba pawnam kaba 90 meter.
Da kaba suk u la pynliem ïa ki nongïalehkai ba pawnam kum u Anderson Peters uba la jop ar sien ha ka pyrthei (83.91m) bad u Curtis Thompson (83.89m) uba la jop ïa ka takma rnong.
U rangïalehkai ka India ba 26 snem ka rta u la mih madan ïa ka jingïalehkai kaba nyngkong ha ka Diamond League hynrei u la wan ha ka kyrdan ba 8 da ka jingkawang sum kaba bha tam kaba long 79.18m. Kane ka dei ka jingwanphai kaba eh bha na ka bynta u Yadav, uba mynshwa u la pyndep ïa ka kyrdan kaba 4 kaba khlaiñ bha ha ka lympung ïalehkai pyrthei ha u snem ba la dep ha Tokyo (ha kaba ha ka jingshisha u la jop ïa u paralok jong u u Neeraj Chopra).
U Neeraj Chopra Um shym la ïakhun ha kane ka jingïakob kyrpang, hynrei ka jingkawang sum kaba heh bha jong u Pathirage ka la pynhiar kyrdan ïa une u khlur ka India sha ka kyrdan kaba 4 ha ka thup jong ki khlur jong ki nongïalehkai Asia baroh ki por.
