Shillong, Jylliew 07
Ka shlem treikam u District Sports Officer (DSO) East Khasi Hills ka la pynbna ban pynkynriah noh ïa ka District Level Inter School Subroto Cup Football Tournament 2026 sha ka 30 tarik mynta u bnai na ka daw ka jingïatyngkhuh bad ki eksamin shiteng snem jong ki skul bapher bapher kane ka district.
Kham hashwa kane ka shlem treikam ka la pynbna ba kan sdang noh ïa katei ka lympung ha ka 15 tarik mynta u bnai.
“Nga pyntip sha phi baroh ki skul ba ïa kane ka lympung kaba la buh ban pynlong naduh ka 15 tarik u Jylliew, la pynkynriah noh sha ka 30 tarik u Jylliew namar ka jingïatyngkhuh bad ki eksamin shiteng snem jong baroh ki skul,” la pynpaw kat kum ka kyrwoh ba la pyllait da u DSO kane ka district Bah Damang Syngkon.
