Shillong, Jylliew 10
Ka Malki Sports Club ka la pynkup burom ïa u samla Daniel Dabiangbha Warjri, uba la khur ïa ka takma rupa ha ka K10 Sub-Junior, Cadet & Junior jong ka National Karate Championship 2026 kaba la long ha Dehradun, Uttarakhand.
Une u samla u dei uba shong ba sah ha Lumbalang, Malki, Shillong.
Ha kane ka jingïalang pynkup burom, ki nongkitkam ka Malki Sports Club ha ryngkat bad kiba haïing hasem jong u Daniel, ki la pynpaw ïa ka jingsngew sarong bad jingïaroh halor kane ka jingjop jong u ha katei ka lympung.
Ïa kane ka jingpynkup burom la pynlong ha Malki Point bad la lamkhmat da u President ka Club, u Bah Pyndapbor Mukhim, lem bad u Secretary, u Bah Prince Kharmalki, ryngkat bad kiwei pat ki dkhot jong ka Malki Sports Club. Te kumta ka klob ka la ai khublei kyrpang ïa u Daniel bad kitbok kitrwiang ïa u ba un nanglah ban wanrah shuh shuh ïa ki nam jop ha ki jingïalehkai na ka bynta ka jylla bad ka ri hi baroh kawei.
