Shillong, Jylliew 11
Ki nongïalehkai na ka Shillong Taekwondo Academy, kaba hap hapoh ka All-Meghalaya Taekwondo Association (AMTA) ki la khur san tylli ki takma ha ka 1st Sikkim Open International Taekwondo Champion-ship 2026 kaba la long ha ka 6 haduh 8 tarik mynta u bnai ha Sikkim.
Ha katei ka lympung u Jatin Gowda u la khur ïa ka takma ksiar, katba ïa ki takma rupa la khur da u Clifford Luiram bad u Hameshanki Nongkynrih. Ïa ki ar tylli ki takma rnong la khur da u Jatin Gowda bad u Nebariousda Natep.
Na ka liang ka AMTA ka la ai khublei ïa kine ki nongïalehkai kiba la khur jingjop lem bad ki coach, da kaba pynpaw ba kane ka jingjop ka pynpaw ïa ka jingkiew jingïalehkai taekwondo ha ka Jylla.
