Shillong, Jylliew 11
Ka Jylla ka la khur saw tylli ki takma ha ka 5th KIO Sub-Junior, Cadet & Junior National Karate Championship 2026 kaba la long ha Dehradun, Uttarakhand naduh 4 haduh 7 tarik mynta u bnai.
Ïa ka takma rupa la khur da u Daniel Dabiang-bha Warjri ha ka Indivi-dual Kumite Junior -68 Kg. Katba ïa ki takma rnong la khur da u Jason McRyan Malngiang ha ka Individual 13 Years Kata, u Precious Stone Mukhim ha ka Individual Kumite 13 Years -55 Kg bad ka Sa I Banmanbha S Blah ha ka Individual Kumite Junior -53 Kg.
Kine ki khynnah ki dei kiba la mihkhmat ïa ka Jylla hapoh ka lama jong ka All Meghalaya Karate – Do Association (AMKA), kaba la sei haduh 41 ngut ki nongïalehkai kynthei bad shynrang.
Ïa kane ka kynhun la ïalam da u Bah Donbok-lang Lyngdoh kum u coach, Pynhunlang Khar-buli (Coach cum Mana-ger), Kong Ester Mary Lyngdoh (Coach), kum-juh ki rephri kiba kynthup ïa u Na Oo Man Kiwi War Passah, Banri-lang Lyngdoh Nonglait, Banteilang Pdahsiej bad Albert Pyngrope.
Kat kum ka jingpynpaw da u General Secre-tary u Bah Ksan Kupar Warjri la ong ba kiwei ki khynnah ïalehkai ki la lah ban pynpaw ïa ka jingtbit, hynrei ki la shah rem noh ha ka quarter final.
