Shillong, Jylliew 12
Ka Meghalaya State Olympic Association ka pynpaw bad phah khubor sngewlem halor ka jingkhlad noh u Jaspal Rana. “Ka long kaei kaei kaba kyndit bad ka jingsngewsih kaba jur ba ngi ïohpdiang ïa ka khubor kaba sngewsih ïa ka jingkhlad noh jong u Jaspal Rana, u nongïalehkai siat suloi ba pawnam jong ka India, u nongjop takma ksiar jong ka Asian Games, u ba la ïoh khusnam Dronacharya, bad u High-Performance Coach jong ka Indian Pistol Shooting Team, uba la khlad noh ha ka miet jong ka 11 tarik u Jylliew 2026 hadien ka jingpang klongsnam”.
Na ka liang ka Meghalaya State Olympic Association, ka Seng ïalehkai siat suloi ka Jylla Meghalaya, ki nongïalehkai, ki coach, ki technical officials, bad ka kynhun ïalehkai baroh kawei jong ka Jylla Meghalaya, ngi pynpaw ïa ka jingsngewlem sha ki bahaïing hasem jong u, ki paralok, ki paralok ba ïatreilang, ka National Indian Rifle Association bad baroh kiba don ha ka kam siat suloi jong ka ri India baroh kawei.
Ha kane ka por jong ka jingsngewsih, ngi ïasoh bad ka jaitbynriew ban ai burom ïa u nongïalehkai ba shisha uba ki jingnoh synñiang jong u sha ka jingïalehkai India kin sah junom ha ka histori jong ka jingïalehkai India.
