Nongstoiñ,Jylliew 14
Ban ïoh ïa ka kynhun ki ‘thei kaba khlaiñ na ka bynta ka jingpynkhreh ha ka 39th National Games ka ban long ha u 2027 hapoh ka Jylla, ka Meghalaya Football Association (MFA) ha ryngkat ka Women Football Commit-tee ha ka sngi Saitjaiñ ka la pynlong ka jingwad bad jied ïa ki ‘thei ïalehkai kiba don ïa ka sap ba kyr-pang ha kane ka jingïaleh-kai, da kaba la pynlong ïa ka jingpyrshang ne ka trials ha madan New Nongstoiñ.
Kane ka long na ka bynta ka West Khasi Zone ba kynthup ïa ka Nong-stoiñ District Sports Asso-ciation, Mawshynrut Sports Association, Pyndengum-ïong District Sports Asso-ciation bad ka Mawkyrwat District Sports Association.
Ha kane ka sngi, ki khynnah kynthei na kylleng ki jaka jong ka West zone ki la wan ban ïashim bynta ha kane ka prokram ban jied ïa ki nongïalehkai ba donsap, ha kaba la ïadon lang u Dr. L.L. Mawsor, Vice President ka MFA, Bah P.Rani, Convener Women football Committee, Bah P.Nong -rum, Incharge Women Football Committee bad kiwei kiwei .
Na ka liang u Bah P.Rani u la ong ba ki khynnah kiba poi ha katei ka sngi ki bun kiba bit, hynrei napdeng kine kiba bun la shim bad jied tang saw ngut ban rah pat ha kawei pat ka rynsan.
“Ha ka jingshisha ngi la dep ïa ka Meghalaya Women State League shibun ngi la jied ïa ki ‘thei ïalehkai bad bun hi na kylleng ki District ki la poi ha katei ka rynsan ba kin pyni ïa ka sap ka jong ki bad lyngba kane ka rynsan shibun ngi la ïoh ban jied kiba don kylleng kylleng ka ri Khasi, hynrei ka MFA kam pat sngewhun ïoh lehse ki don ki khynnah ha ki kyndong ki kynshrot ki bym poi ban ialehkai ha ka Women State League. Te kumta ka MFA ka la ai bor ha ka Women Football Commit-tee ban hiar sha Tura, Nongstoiñ bad kiwei kiwei ha kaba ngin ïoh ïa ki khynnah kiba bit”
U Bah Rani u la pynpaw ruh ïa ka jingaikhublei ïa ka sorkar kaba la kyrshan bad ai ka kti ka mon ka kti ka diang ïa ka MFA ban shim ïa kine ki sien jam.
Ha kaba ïadei bad ka jingpynkhreh jong ka MFA ïa ka kynhun ki ‘thei ïaleh -kai na ka bynta ka National Games, u Bah Rani u la ong ba na ka bynta kane ka komiti ka la pyrkhat ban pynkhreh ban ïoh ïa ka kynhun kaba khlaiñ.
