Mawkyrwat, Jylliew 14
Ka Nonglang Sports Club ka la pynhap pyrda noh ïa ka lympung ïalehkai phutbol ba la tip kum ka Inter Dong Under-15 Boys Football Tournament 2026 ha ka sngi Saitjaiñha madan Pyndenïewlyngdoh, Nonglang, South West Khasi Hills District.
Ha kane ka jingïakhun final, ka Lawmyrsiang ka la long ka lahduh hadien ba ka la pynliem noh ïa ka Dong Pyndenbah lyngba ka shi kol ba la thep da u Banskhembiang Kharraswai ha ka minit ba 20.
Ïa ka nam Best Player la ïoh da u Welky Snaitang, Best Defender ka leit sha u Melakyrshan Kharlyngdoh, Top Scorer la ïoh da u Pyntngenlang Marweiñ, Best Goalkeeper sha u Arky Kharlyngdoh bad ïa ka nam Man of the Match la ïoh da u Banskhembiang Kharraswai.
Ïa ki khusnam la sam da u Bah Bhalumlang Kharlyngdoh ha ka jingiadonlang jong u President ka Nonglang Sports Club u Bah Syntarlin Snaitang, Secretary Bah Kordorlyne Kharlyngdoh, Bah Angelbert Snaitang bad kiwei kiwei.
