Guwahati, Jylliew:
U Lat jong ka jylla Assam u Lakshman Prasad Acharya u la khot ïa ka dorbar mang tyngka jong ka ïing dorbar thawaiñ ka jylla Assam kaba shiphew ban long ha ka 6 tarik, Naitung.
Katkum ka jingpynbna ba la pynmih da ka Assam Legislature Assembly Secretariat la ong ba kane ka dorbar kan sdang naduh ka por 9:30 mynstep ha Assembly Chamber ha Dispur.
Ïa kane ka hukum la pynmih da u Lat ha ka 10 tarik, Jylliew, katkum ka Article 174(1) jong ka Riti synshar ka ri India.
“Da kaba pyndonkam ïa ka bor ba la ai da ka Clause (1) jong ka Article 174 jong ka Riti Synshar jong ka Ri India, nga, u Lakshman Prasad Acharya, Lat ka Assam, nga khot ïa ka Budget Session of the Sixteenth Assam Legislative Assembly ban long ha ka por 9:30 mynstep, ha ka lah sngi U Blei, ka 6 tarik, 2026 ha Assembly Chamber kaba don ha Dispur,” la ong ka jingpynbna.
Ïa kane ka jingpynbna la pynmih da ka Secretariat jong ka ïing dorbar thawaiñ ka jylla Assam bad la soi da u Secretary-in-charge u Rajib Bhattacharyya.
