Shillong, Jylliew 15
Ka lympung ïalehkai U-20 4th Division Football League 2026 ba la pyn-ïaid da ka Shillong Sports Associa -tion (SSA) ka la nangjam shaphrang ha kaba ki 11 tylli ki kynhun ki la jam sha ka pre-quarter final.
Kine ki long ka Them Rangshken SC, Maw-ñianglah SC, Ïatylli Sports &CC, Mawpdiang SC, Golflink SC, New Chal-lenger FC, Weilyngkut Area, Thynroit S&CC, Nongkseh United FC, Phir Kurbah bad ka Seila Sap.
Ka jingïakhun pre-quarter final kan sdang ha ka 20 tarik mynta u bnai ha kaba ka Them Rang-shken kan ïakynduh pyrshah ïa ka Mawñianglah ha ka por 1 baje mynsngi, kum-juh ka Mawpdang ïa ka New Challenger ha ka por 4 baje nohphai sngi. Kine ki jingïakhun kin long ha SSA Stadium. Katba kawei pat ka jingïakhun hapdeng ka Weilyngkut pyrshah ïa ka Thynroit kan long ha madan MFA ha ka por 4 baje nohphai sngi.
