Shillong, Jylliew 16
Ka Sorkar Jylla ka la thmu ban kyntiew ïa ka jingïalehkai phutbol da kaba kan pynlong ïa kane ka lympung ha kylleng ki 56 tylli ki Community and Rural Development (C&RD) Block kiba don ha ka Jylla.
Ïa kane la pynbna da u Myntri Rangbah ka Jylla u Conrad K. Sangma ha ka jingïalang jong ka Meghalaya Sports Conclave 2026 kaba la long ha ka sngi Ba-ar ha kane ka nongbah bad ka jingthmu jong kane ka lympung ka long ban pynshlur ïa ki khynnah ki samla ba kin ïashim bynta ha ki jingïalehkai khnang ban pyllait ïa ki na ki jingsniew.
“Ka jingïalehkai ka dei ka mawjam ba kong-san jong ka jingthmu jong ka Sorkar na ka bynta ban pynkup bor ïa ki samla bad ban wanrah ka jingkylla ha ka imlang sahlang.
Ha kane ka sngi la ïadonlang u Myntri ka tnat ïalehkai u Bah Wailad -miki Shylla kum u symbud kongsan ryngkat ki heh ophisar ba kynthup naduh u Chief Secretary ka Jylla u Dr. Shakil P. Ahammed, ki nongïalam na ka MSOA, ki nongmihkhmat na ki synjuk ïalehkai, ki nongïalehkai.
