Shillong, Jylliew 17
Ka lympung ïalehkai SR-GT 3rd Division Football League 2026 bad la pyn-ïaid da ka Shillong Sports Association (SSA) ka la sdang ha ka sngi Balang ha kaba ka Lamlynti FC ka la khur ïa ka jingjop, hadien ba ka la lah ban pynliem noh ïa ka Umïew Maw U Sam ha SSA Stadium, Polo.
Kane ka nam jop ka la wan lyngba ki kol ba la thep da u Matlut Makri ha ka minit kaba 36 bad u Ïalambha Kshiar ha ka minit ba 54 na ka bynta ban khur ïa ki lai poiñ.
Haba phai sha kawei pat ka jingïakhun kaba la long kham hashwa hapdeng ka Nongumlong SC bad ka Mawlynrei SC ki la ïasam mar shi poiñ hadien ba ki la ïakhaid mar 2-2 kol.
Ha kane ka jingïakhun ka Nongumlong ka la thep ar kol ha ka kylla step lyngba u Banmanbha Mawïong ha ka minit kaba 31 bad u Nehlang Kharsah-noh (40). Hynrei ka Maw-lynrei ka la pynphai kylla ha ka kylla miet lyngba u Elwinson Kharsahnoh (50 bad u Kerryjohn Marboh (80+5) na ka bynta ban ïakhaid mar ar kol.
Ka jingïalehkai ha ka sngi Thohdieng kan long hapdeng ka Umphyrnai SC pyrshah ïa ka Lawmali Pyl-lun SC bad ka Lummaw -bah SC ïa ka Kharang SC. Kine ki jingïakhun kin long ha ka por 1 baje mynsngi ha SSA Stadium bad madan MFA. Kawei pat ka jingïakhun ha ka por 4 baje nohphai sngi kan long hapdeng ka Mawkasiang SC pyrshah ïa ka Ïaitylli SC ha SSA Stadium.
Haba phai sha ka jing-ïalehkai jong ka U-20 4th Division Football Lea-gue, ka Laitlyngkot ka la pynliem noh ïa ka Pommura SC da 2-0 kol. Ïa kine la thep da u Nang-tei Rynjah ha ka minit kaba 17 bad u Shaiban-nangkhraw Khongsti ha ka minit kaba 66.
