Shillong, Jylliew 19
Ka lympung SSA SRGT 3rd Division Football league 2026 ha ka sngi Thohdieng 19 tarik Jylliew 2026 ka la bteng da ka jingïalehkai ha mdan SSA Ground No.1 ha ka por 1 baje mynsngi da ka jingïalehkai hapdeng ka Pomlakrai Sc pyrshah ïa ka Rynjah SC.
Ka Pomlakrai SC ka la pynliem noh ïa ka Rynjah SC da 3-2 kol, ïa ki kol ka Pomlakrai SC la thep da u Nicky Kurkalang ha ka minit ba 10 & 20 bad u Peacemaker Lyngdoh ha ka 13 minit.
Katba ki ar tylli ki kol ka Rynjah SC la thep da u First John Paul Khyriem ha ka minit ba 2 bad u Aldrin Lyngdoh ha ka 34 minit.
Ha kawei pat ka jingïalehkai kaba la long ha ka por 4 baje ka Umpling SC ka la ïakhaid noh bad ka Lumparing SC da 1-1 kol. Ka Umpling SC ka la ïoh shi kol lyngba u Joyningstar Thongni ha ka minit ba 4 bad ka shi kol ka Lumparing SC da u Joslang Lyngkhoi ha ka 12 minit.
Ha kawei pat ka jingïalehkai kaba la long ha madan MFA Ground No.1 ha ka por 4 baje ka Sanmer ka la jop noh da 3-0 kol ïa ka Lapalang, ïa ki kol la thep da u Bryan Kharbudnah 29 minit, u Damangskhem Thabah 62 minit bad u Maymilando Tariang 69 minit.
Ha ka 20 tarik Jylliew 2026 sngi Saitjaiñ ka lympung SSA U-20 4th Division Football league 2026 kan bteng da ki jingïalehkai ha ka por 1 baje mynsngi ka Them Rangshken SC kan ïakhun pyrshah ïa ka Mawnianglah Youth SC, katba ha ka por 4 baje ka Mawpdang SC pyrshah ïa ka New Challenger FC bad ka Weilyngkut Area FCC pyrshah ïa ka Thynroit SC.
