Shillong, Jylliew 21
Ka Them Rangshken SC, Mawpdang SC bad ka Weilyngkut Area FCC ki la jam sha ka quarter final ha ka U-20 4th Division Football League 2026 ba la pynïaid da ka Shillong Sports Association, hadien ba ki la khur jingjop ha ka sngi Saitjaiñ ha kane ka nongbah.
Ha ka jingïakhun Pre-Quarter Final kaba la long ha SSA Stadium, ka Them Rangshken ka la pynliem noh ïa ka Mawnianglah Youth SC da 1-0 kol bad ïa kane la thep da u Banshanskhem Marbaniang ha ka minit kaba 9.
Ha ka jingïakhun kaba ar kaba la long ha kane kajuh ka madan, ka Mawpdang SC ka la jop da 5-0 kol ïa ka New Challenger FC. U Samborlang Langte u la thep ar kol ha ka minit kaba 36 & 42, katba ïa kiwei pat la thep da u Marbiang Kharbhih (40), Jonathan Kharbani (80+2) bad u Edmon Marngar (80+4).
Haba phai sha kawei pat ka jingïakhun, ka Weilyngkut Area ka la pynliem noh ïa ka Thynroit SC da 1-0 kol bad ïa kane ka shi kol la thep da u Sengrak Jana (42).
