Shillong, Jylliew 22
Ki ar ngut ki khlur ïalehkai barim ka Jylla, u Bah Damang Syngkon bad u Beningstar Lyngkhoi kin shim ïa ka bynta kum ki kongsan ban kaweh lama na ka bynta ka jingïakop mareh 10k Run ka ban long ha ka 27 tarik mynta u bnai.
Ïa kane la pynbna katkum ka kyrwoh ba la pyllait da u General Secretary ka Meghalaya State Olympic Association (MSOA), u Bah Finely Lad Pariat ha ka lah sngi U Blei bad katei ka jingïakop ka long shi bynta ban rakhe ïa ka Olympic Day 2026. U Bah Damang uba dei u rangïalehkai barim ha ka Karate bad u Bah Beningstar u dei u nongmareh ba paw ha ki por ba la leit. Kine ki khlur ïalehkai barim ki dei kiba la mihkhmat ïa ka ri India ha ki lympung ïakop shabar ri.
La ong ba katei ka jingïakop mareh kan sdang ha ka por 6 baje mynstep na stadium jong ka Shillong Sports Association. Te kumta la kyntu ïa ki nongshim bynta ba ki dei ban poi ha katei ka jaka ha ka por 5 baje mynstep ha kaba yn sam ïa ki sopti, ki chest number hashwa ban sdang ka jingïakop.
